O Arosa continúa coa planificación dunha nova tempada que se espera ilusionante tanto para a afección como para os xogadores.
A última peza confirmada polo club arlequinado é a do mediocentro Felipe Peredo, que chega á Lomba despois de oito tempadas no SD Laredo. Durante ese tempo disputou tres play-off de ascenso, logrou subir a Segunda División B na campaña 2019/2020 e a Segunda RFEF nesta última.
"Gústame atacar e defender, podo xogar en todas as posicións do medio campo", recoñeceu o xogador, quen dixo ademais que pode achegar ao equipo "moito traballo físico".
A decisión de fichar polo Arosa foi "moi fácil" xa que Michel Alonso "convenceume bastante rápido. Levo un ano preparándome moi ben aquí, ascendemos e oxalá se repita este ano. O club está nun momento ascendente que hai que aproveitar".