O atletismo pontevedrés e galego está de loito polo falecemento de Felicia Tilea.
De orixe romanesa, a atleta fincou en Pontevedra fai xa máis de dúas décadas, a principios dos anos 2000.
Foi olímpica até en catro ocasións (Atlanta 96, Sidney 2000, Atenas 2004 e Pequín 2008), e desde a súa chegada á Boa Vila competiu para varios clubs cunha prolífica traxectoria en categoría máster.
Entre eses clubs estivo a Sociedad Gimnástica, sendo adestrada polo pontevedrés Santi Ferrer durante nove anos, tal e como lembra a Federación Galega de Atletismo.
A súa especialidade era o lanzamento de xavelina, na que é a actual plusmarquista mundial en categoría máster-50 (45.53 metros).
"Mostrou en todo momento unha extraordinaria capacidade de traballo e un non menos extraordinario compromiso co atletismo galego, acudindo a todas cantas veces foi convocada para tomar parte que Selección Galega de Atletismo e cuxas actuacións, resultaron sempre moi destacadas", afirma a Federación Galega.
🔴📝Noticia FGA📝🔴
— Atletismo Galego (
" Falece a xavelinista internacional Felicea Moldovan Tilea"
👉Nova completa en:https://t.co/AcvDDJf54Spic.twitter.com/nwRCLU7D8Jatletismogalego) March 3, 2025
Ademais das catro experiencias olímpicas, o seu maior éxito deportivo foi o subcampionato do mundo que logrou en Goteborg no ano 1995.
Felicea Moldovan faleceu despois dunha longa loita contra o cancro durante os últimos catro anos.