Vibrante encontro con repartición de puntos entre Poio Pescamar e LBTL Futsal Alcantarilla no que o cadro vermello logrou empatar a escasos segundos do final grazas a un gol de Elena Aragón.
Foi Chuli, con todo, a que abriu o marcador ao comezo do segundo acto aproveitando unha situación de libre indirecto. A pesar diso, as irmás Pino deron a volta ao marcador, primeiro cun gol de Melli, que anotou á saída dun saque de esquina, e máis tarde Anita, cun potente zurdazo que puxo ao Alcantarilla por diante.
Arriscou no tramo final co xogo de cinco o equipo de Luis López-Tulla, e a escasos segundos do final logrou empatar. Laura Uña aproveitou un erro de saída de balón de cadro visitante e cedeu a Elena Aragón para que subise o 2-2 que daba un punto a ambos os dous equipos.
Consulta a acta nesta ligazón