Dominio absoluto do Poio Pescamar ante o Atlético Torcal

O Poio Pescamar segue de doce despois de superar por 5-0 ao Atlético Torcal.

O equipo conserveiro demostrou a súa superioridade en todo momento, impondo o seu ritmo e o seu xogo ante un rival que non puido facer nada para frear a avalancha goleadora.

A primeira alegría para as locais chegou no minuto 5 tras unha recuperación en campo propio, Candea plantouse soa ante Andrea e definiu con seguridade.

Antes do descanso, Chuli puxo o 2-0 tras un gran pase de Ale de Paz, e a falta de 16 segundos, Laura Uña, cun gran movemento individual, pechou a primeira metade cun gran gol que significou o 3-0.

Na segunda parte, o Poio Pescamar non baixou o ritmo e seguiu atacando con intensidade.

Laura Uña volveu ver porta tras asistencia de Candea, aumentando a vantaxe a catro golese Chuli pechou a conta con disparo de falta directa. O balón deu na madeira e saíu rexeitado á perna de Cris, que viu como se coaba na súa propia portaría.

Con este resultado o Poio Pescamar continúa inmerso na pelexa por meterse na zona de play-off polo título ligueiro e atópase a tan só tres puntos dun Alcorcón que segue cuarto.

Consulta a acta neste enlace