Posta de longo para o Campionato de España de Ciclocrós coa celebración do XIV Trofeo Villa de Gijón, e primeiros podios para equipos e ciclistas da comarca.
O Grupo Deportivo Supermercados Froiz pisou o caixón por partida dobre na carreira elite e sub-23 masculina.
Miguel Rodríguez e Raúl Mira foron protagonistas nunha proba que gañou a elite Kevin Suárez (1:02:21). A pouco máis dun minuto entrou Miguel Rodríguez como segundo da xeral e primeiro sub-23, completando o podio de honra o seu compañeiro de equipo 22 segundos despois.
Ademais Gonzalo Inguanzo, vixente campión elite da Copa de España, entrou en meta na quinta posición.
En Xixón foi tamén destacada a actuación do cadete Lucas Lozano (XSM Marín) ao ser segundo na súa categoría a 27 segundos do vencedor.
Pola súa banda en idade júnior, Lorena Patiño (XSM Marín) arrincou a defensa do título cunha cuarta posición.
Tras esta cita a segunda proba do calendario disputarase en casa, e é que por primeira vez o Ciclocrós Internaciona Xaxán CX de Marín será parte da Copa de España cun evento que se disputará o vindeiro domingo 13 de outubro.