A medalla olímpica volveu a escapárselle a Teresa Portela, na que foi a súa quinta participación nuns Xogos.
A padexeira canguesa foi sexta na final do K-1 200 metros celebrada este martes en Río de Janeiro.
Portela non foi capaz de repetir o seu bo tempo de semifinais (40.241), que lle tería dado a medalla de prata de conseguilo na final, ao parar o crono en 41.053 segundos.
A gañadora foi a tetracampiona do Mundo e gran favorita, a neozelandesa Lisa Carrington (39.864), seguida no podio pola polaca Marta Walczykiewicz (40.279) e a deportista de Acerbaixán Inna Osipenko (40.401).
Coa súa sexta praza Teresa Portela logra o seu quinto diploma Xogos noutras tantas participacións olímpicas.