Despois de moitos meses de preparación, o estadounidense Donald Sexton (Honolulu, Hawaii) chegou a Pontevedra para competir nos Grupos de Idade do Campionato do Mundo de Dúatlon.
Todo era ilusión, aos seus 57 anos, de realizar un bo papel e gozar da experiencia. Pero co que non contaba era con que a súa bicicleta resultase danada no traslado.
Totalmente afundido, acudiu á tenda Moto Bike, que rexenta Nacho Cons na cidade de Lérez, coa intención de embalar a máquina e enviala de volta á casa, pero co que non contaba é co que sucedeu a partir de entón.
Esta curiosa historia, desvelada por El Confidencial, explicoulla a PontevedraViva o propio Nacho: "Apareció el viernes por la tarde con un matrimonio, también americano. Estaba totalmente destrozado".
Foi nese momento cando o dono de Moto Bike se decatou da bicicleta que acababan de preparar para un amigo de Javier Gómez Noya, de nacionalidade queniana. Era a que o campión do mundo utilizara a pasada tempada, pero "este chico de Kenia competía en élite y no le aceptaron la cabra" relata Nacho, polo que lle prestaron outra das súas máquinas.
Nacho Cons: "Estaba tan hecho polvo que no quería competir, ni diciéndole que era la bici del campeón del Mundo"
Nacho comunicouse co pai de Gómez Noya e este á súa vez explicoulle a situación ao seu fillo, que se encontraba en Londres para participar na proba das Series Mundiais. O campión non o dubidou, "o que faga falta" dixo.
Pero a pesar deste gran detalle, Donald estaba tan afundido que non atendía a razóns: "El señor ya no quería saber nada, estaba tan hecho polvo que no quería competir, ni diciéndole que era la bici del campeón del mundo. Creo que no se puso a llorar aquí por vergüenza, así que le dije que se fueran, cenaran, lo pensaran y volvieran al día siguiente", conta Nacho Cons.
O sábado á hora de apertura, ás 10:00 da mañá, Donald Sexton e os seus dous amigos "ya estaban aquí con una sonrisa enorme en la cara", recorda Nacho. Non querían aceptar o préstamo sen pagar nada a cambio, mesmo insistiron, pero ese non era o trato alcanzado con Gómez Noya, a motivación era simplemente axudar un compañeiro en apuros.
Nacho Cons: "Ver la alegría que tenía te pone los pelos de punta"
"Para nosotros fue una satisfacción ver cómo estaba ese hombre, ver la alegría que tenía te pone los pelos de punta". Así de simple é a explicación do responsable de Moto Bike.
Malia a axuda o estadounidense, profesor de spinning no seu Honolulu natal, non logrou rematar a proba. Sufriu un golpe contra outro competidor no sector de ciclismo e tivo que abandonar, pero sen dúbida a experiencia vivida en Pontevedra será difícil de esquecer para el.
Tamén o será para Nacho Cons e o seu equipo, que atenderon a moitos dos competidores, como un paraduatleta que se achegou para emendar un problema nunha roda: "Cuando acabó la carrera vino, todo sudado, casi llorando, a abrazarnos porque hizo segundo. Tú sabes qué sensación es esa, fue una gran experiencia para nosotros".