Sorpresa en Vilalonga. Guillermo Fernández Romo deixa de ser o adestrador do equipo celeste. Alcanzou un acordo coa directiva do club para rescindir o contrato que lles unía. Deixa o Vilalonga rumbo a terras andaluzas. ÿ a nova fichaxe do Betis. Os verdibrancos pensaron nel para que sexa o segundo adestrador do seu equipo filial, que actualmente milita na Segunda B.
Será o axudante de ÿscar Cano, co que xa coincidiu na tempada 2011-2012. Foi no Melilla. Segundo indican achegados ao adestrador madrileño, Fernández Romo recibiu a chamada do míster do filial bético e non dubidou á hora de aceptar este novo reto profesional. Tras trasladar esta oferta á directiva do Vilalonga, esta decidiu aceptar a súa marcha do club.
O novo equipo de Guillermo Fernández Romo ocupa a penúltima posición no grupo IV da Segunda División B. O seu adestrador ata o pasado domingo, Antonio Manuel Racero, foi destituído tras perder 4-0 contra o Sevilla Atlético. ÿscar Cano asinou polo que resta desta tempada con opción a outra máis e a súa primeira decisión foi recorrer ao ata agora adestrador do Vilalonga.
Guillermo Fernández Romo deixa o equipo pontevedrés lonxe da zona de descenso. O Vilalonga está situado na décimo quinta posición con 20 puntos. E faio en vésperas do derbi que lles enfrontará ao Pontevedra en Pasarón.
O substituto de Fernández Romo á fronte do Vilalonga será Jacobo Molina, que ata o momento era o segundo adestrador do equipo. Farase cargo do club ata final de tempada. O seu debut en Pasarón traeralle bos recordos. Traballou durante anos na base do equipo granate, onde chegou a adestrar ao equipo xuvenil de División de Honra.