A pretempada do Pontevedra Club de Fútbol vai tomando forma.
O club granate, que só fixera oficial o choque deste sábado 27 de xullo fronte ao RC Deportivo en Pasarón (20.00 horas), confirmou seis novos partidos de preparación.
A esta batería de encontros poderían engadirse aínda dous máis, a teor da intención revelada no seu momento por Yago Iglesias de disputar dous partidos cada semana para partir do duelo contra o Depor. Afirmaba o técnico que ía ser unha pretempada "cargada de partidos".
Pasarón abrirá tamén o 17 de agosto para recibir ao Club Deportivo Lugo.
O resto de encontros confirmados serán a domicilio, empezando o 3 de agosto no campo do Cidade de Ribeira da Prefrente Galega e seguindo o venres 9 contra o Arenteiro (Primeira RFEF) no Espiñedo, o martes 13 contra o Estradense (Terceira RFEF) no Novo Municipal da Estrada, o mércores 21 fronte ao Juventud Cambados (Preferente) en Burgáns e o sábado 24 medíndose ao Céltiga (Preferente) no Salvador Otero da Illa.
PRETEMPADA | Seguimos confirmando novos amigables para a pretempada granate
— Pontevedra CF (@PontevedraCFSAD) July 24, 2024
27/07 @RCDeportivo
03/08 Atlético Ribeira
09/08 @CD_Arenteiro
13/08 @CD_Estradense
17/08 @CDeportivoLugo
21/08 @ClubJuvCambados
24/08 @FCCeltiga#NonPararAtaVoltarpic.twitter.com/BV4Z5HqVUJ