Nadadores de dez comunidades autónomas ademais de deportistas chegados de países como Francia, Portugal ou Perú déronse cita este domingo en Combarro para competir na terceira edición da Volta a nado Illa de Tambo.
A saída e chegada da proba estivo situada na Praza da Chousa, con tres roteiros en función da distancia: unha de 6 quilómetros, a seguinte de 4,5 quilómetros e a terceira de só 1.000 metros.
No caso da máis longa, os tres homes que completaron o podio foron Iker Pérez, primeiro cun tempo de 1:32:24; Álvaro Gómez foi segundo (01:32:38), e Jorge Espinosa, terceiro (01:34:34).
Alba Maestro foi a primeira muller en completar os 6 quilómetros de travesía e foi terceira na clasificación xeral cun crono de 1:32:47. Seguiulle en segunda posición Esperanza Navarro (01:45:57) e en terceira Erika Machín (01:47:22).
Na carreira de 4,5 quilómetros, Diego Real fíxose co primeiro posto entre os homes (01:33:10) e Ana María Ojeda entre as mulleres (01:33:58); mentres que na máis curta, a de 1.000 metros, os gañadores foron Maite Soto (00:20:20) e Airam Oya (00:20:58).
Consulta o resto de resultados nesta ligazón