A primeira experiencia olímpica de Carolina García chegou ao seu fin.
Tras o diploma conseguido no K-4 500 co seu sexto posto, a pontevedresa afrontaba este venres as semifinais do K-2 500 xunto á asturiana Sara Ouzande en busca dunha praza para a final, que se remaba poucas horas despois.
Tivérono preto, e é que catro embarcacións lograban a clasificación e Carolina e Sara foron sextas a menos de medio segundo das húngaras, que marcaban a cuarta posición.
Desta forma quedaron relegadas á Final B, sen posibilidade de pelexar polas medallas e diplomas olímpicos pero coa satisfacción de ter dado o máximo.
Aínda por riba, na Final B sufriron un inoportuno envorco cando eran terceiras. "O rendemento era bo, era difícil entrar na final A", recoñeceu Carolina tras a regata satisfeita polo nivel mostrado aínda que amolada por unha incidencia que "non puidemos evitar e creo que mereciamos un pouco máis".
Ouzande y García Otero vuelcan su kayak cuando marchaban en la lucha por la tercera posición en la final B del K2 500m.#ParisRTVE9a#Paris2024pic.twitter.com/HrBez6meaj
— Teledeporte (@teledeporte) August 9, 2024