Brillante colofón para o debut nuns Xogos Olímpicos de Caetano Horta.
O remeiro de Noia, formado no Centro Galego de Tecnificación Deportiva de Pontevedra, conseguiu este xoves un diploma olímpico ao impoñerse na final B do dobre scull lixeiro.
Caetano e o seu compañeiro Manel Balastegui quedaron a escasos dous segundos de entrar na final e pelexar polas medallas, pero ao ser só 6 os finalistas quedaban por repartir dous diplomas para os mellores da final B.
Nesta quenda a tripulación española foi a mellor facéndose coa sétima praza xeral cun tempo de 6:15.45 superando por esta orde aos representantes de Polonia, Ucraína, Canadá, India e Noruega.
Todo un éxito para un deportista que se estreou en Tokyo nuns Xogos con só 18 anos, confirmando que o remo galego e nacional ten o futuro asegurado.