Durante esta fin de semana nove nadadores do Club Natación Galaico participaron na Copa Galega Alevín, que se celebrou por segunda vez en Ferrol, na piscina municipal Javier Gómez Noya. Máis de 22 equipos participaron nesta competición, na que máis de 120 nadadores alevíns de toda Galicia medíronse para conseguir a ansiada vitoria.
Os nadadores do Galaico, que xa conseguiran con anterioridade clasificarse para o campionato, conseguiron 550 puntos que lle reportaron o segundo lugar, a tan só 50 do equipo vencedor, o CN Ferrol.
O equipo pontevedrés, formado por Alejandra Bemposta, Alicia Bouzas, Victoria Cons, Marta Novo e Nayara Prieto, por unha banda; e Daniel González, Pedro Pereira, Javier Rodríguez e Pablo Martín, por outro, superaron con fartura as expectativas e baixaron as súas marcas considerablemente, sendo a primeira actuación de moitos deles neste torneo.
Ademais do bo resultado dos alevíns, o club pontevedrés tivo tamén a súa representación no Campionato de España de Larga Distancia, que se celebrou en Mataró este sábado. Nel, os nadadores Carla Goyanes (en categoría junior) e Cristian Fernández (en sénior) conseguiron unha boa clasificación e a súa mellor marca persoal, no caso de Fernández.
A pesar dunhas condicións meteorolóxicas pouco favorables, os nadadores do Galaico realizaron unha magnífica actuación. Carla conseguiu clasificarse en cuarta posición na proba 5 quilómetros junior cun tempo de 01:02:20 segundos, sendo o seu debut nesta competición. Pola súa banda, Cristian logrou o oitavo posto nos 5.000 metros categoría sénior cunha marca de 57:07 segundos.