Cun equipo de circunstancias, no que non estaban varios dos seus futbolistas en sinal de protesta pola destitución de Jacobo Estors, o Leis Pontevedra deu a cara na difícil cancha do Chiloeches de Guadalajara (5-4).
No primeiro partido de David Muñoz á fronte do equipo, as pontevedresas aceptaron o intercambio de golpes nuns primeiros minutos trepidantes, con seis tantos só 8 minutos.
Dese intercambio saíron favorecidas as locais, cunha renda de dous goles (4-2) que o Leis conseguiría reducir antes do descanso cun gol de Anita.
Na segunda metade o conxunto lerezano lanzouse a polo empate, que se fixo de pregar ata o minuto 37, de novo por medio de Anita. Sen embargo, xa no 39, o Chiloeches lograría o tanto definitivo por medio de Ana Pastor.
Este resultado deixa o Leis na décima praza do seu grupo na Segunda División con tres puntos.
CD CHILOECHES (5): Bea Montoya, Cris Sanmartín (1), Elina, Cristina Vilariño (1), Ana Pastor (3) -cinco inicial- Piedad, Laura, Arantxa, Aída, Esther.
LEIS PONTEVEDRA (4): Tami, Anita (2), Jessi, Mar (1), Lolo -cinco inicial- Bibi (1), Sofi, Marta Vázquez, Helena.