O Arxil logra a primeira vitoria da tempada fronte ao Real Canoe

O Club Baloncesto Arxil logrou este sábado o seu primeiro triunfo en Liga Feminina Challenge tras impoñerse por 63-56 ao Real Canoe.

O equipo pontevedrés saíu moi ben á cancha e dominou o primeiro cuarto, deixando boas sensacións nada máis arrincar o envite (17-9).

No segundo, en cambio, o cadro visitante axustouse a todos os niveis e comezou a apertar o marcador para porse a tan só tres puntos do empate, pero un triplo de Trajchevska sobre a bucina mandou o partido ao descanso nun 33-27.

Todo estaba por decidir despois do paso polos vestiarios, pero o Arxil mantivo a súa solidez para conceder o xusto e responder en ataque da mesma maneira.

Aínda que o Canoe tentou apertar na recta final, as de Marita Janeiro souberon aguantar para deixar os dous puntos en Pontevedra (63-56).

Consulta a acta nesta ligazón