O Arxil, un club con pasado, presente e futuro

Coa canteira como o seu principal valor.

Así presentou este martes 25 de marzo o Club Baloncesto Arxil de maneira oficial a cada un dos 14 equipos cos que conta na presente tempada 24-25 entre as diferentes categorías.

Fíxoo cun acto no pavillón do Centro Galego de Tecnificación Deportiva (CGTD) de Pontevedra.

Co conxunto de Liga Feminina Challenge como punta de lanza, e a pesar de ser imposible a súa permanencia na categoría, a entidade deportiva demostrou que ten pasado, presente e sobre todo moito futuro.

E é que as maiores son o espello, pero nas categorías inferiores está a forza dunha entidade deportiva imprescindible para a cidade de Pontevedra.

Esta campaña o Arxil compite, ademais de co seu equipo de Liga Feminina Challenge e o seu filial de Primeira Nacional, en todas as idades de formación.

En concreto a entidade verde conta cun equipo 'baby, tres de categoría benxamín, outro tres de minibasket, dous infantís, dous cadetes e un júnior.

E todo sen perder a súa esencia, a de ser por enriba de calquera outra cousa unha familia deportiva.