O Club Baloncesto Arxil é aínda máis pechacancelas da liga Feminina Challenge tras caer fronte ao Real Canoe.
O conxunto pontevedrés realizou un gran partido, pero non arrincou ben.
O equipo non estivo acertado de cara ao aro durante o primeiro cuarto, mentres as madrileñas, da man de Sara Zaragoza, castigaban continuamente.
Cunha diferenza de nove puntos finalizou o primeiro cuarto e o Arxil conseguiu reducila a catro no segundo período, o que lle permitiu chegar vivo ao descanso (38-32).
Tras o paso polos vestiarios, as pupilas de Marita Janeiro seguiron pelexando e pondo contra as cordas ao Real Canoe, que empezaba a ver perigar o triunfo.
Alcanzouse o último cuarto e o Arxil estaba a tan só cinco puntos do empate.
O partido estaba no aire e puido empatar, pero non acertou. O equipo madrileño, pola súa banda, non fallou nos momentos clave e fíxose co triunfo por un axustado 74-70.