O Poio Pescamar afíxose a aparecer nas convocatorias da Selección Española de fútbol sala. Non o fixo nesta ocasión na absoluta, pero si na Sub-21.
Dúas futbolistas do cadro vermello foron citadas a unha concentración preparatoria que levará a cabo do 13 ao 15 de decembro en Las Rozas.
Trátase da gardameta Caridad e da pivote Antía Pérez. O caso desta última supón ademais unha alegría dobre, despois as dúas difíciles tempadas que afrontou desde a súa chegada ao club, con senllas lesións graves de xeonllo.
A concentración vai desenvolverse en modo 'burbulla' conxuntamente coa da Selección Absoluta, contra a que disputarán un amigable o 15 de decembro antes de que as xogadoras regresen cos seus respectivos clubs.
Na convocatoria da Selección Española Absoluta, aínda que sen futbolistas do Poio, si haberá representación pontevedresa grazas a Jenny Lores, actualmente nas filas do Ourense Envialia, e Nere Moldes, do Alcorcón.