O XXIX Medio Maratón de Pontevedra inicia a conta a trás para a súa celebración, o domingo 20 de outubro, e faino desvelando un dos nomes ilustres do atletismo nacional cos que contará este ano.
A olímpica Ester Navarrete, maratoniana nos Xogos de París 2024 (acabou no posto 42) e campioa nacional da distancia, confirmou a súa presenza na proba pontevedresa.
A atleta viguesa participará en Pontevedra na carreira de 10 quilómetros que completa o Medio Maratón.
A pesar de quedar máis dun mes para a súa celebración, o Medio Maratón de Pontevedra organizado pola Sociedad Gimnástica conta xa con 768 atletas rexistrados.
O prazo para anotarse permanecerá aínda aberto, mentres haxa prazas dispoñibles, ata o día 13 de outubro.