É fea, pero é nosa. Con esa idea reaccionou o Pontevedra Club de Fútbol despois de que o diario catalán El Mundo Deportivo incluíse a Roelio no número uno de 'as 10 mascotas máis feas do deporte'.
A mascota granate, que evoca aos mellores anos do club nunha homenaxe en forma de óso ao 'Hai que Roelo', comparte a dubidosa honra de formar parte desta lista xunto ás mascotas de eventos como Italia 90, os Xogos Olímpicos de Atlanta 96 e Sidney 2000 ou a do Stoke City británico.
Tras coñecer este artigo o Pontevedra reaccionou anunciado que repartirá o vindeiro sábado, coincidindo co encontro de volta ante o Haro Deportivo, 11.000 adhesivos co lema 'Eu tamén son Roelio'.
Unha forma de defender un boneco cargado de simbolismo e unha idea que agardan dende o club conte co respaldo dos afeccionados.
VENDA DE ENTRADAS NO CENTRO
A venda de entradas para o vital partido do sábado avanza a bo ritmo. Para facilitar que se repita a fantástica entrada rexistrada ante o Mensajero, día en que se rozou o cheo, a directiva granate decidiu habilitar un punto de venda no centro da cidade.
Desta forma os seguidores poderán achegarse á Cafetería Central durante as xornadas de xoves e venres en horario de 11:00 a 21:00 horas.