Humor negro, absurdo e sen palabras. As claves dos espectáculos dacompañía Yllana volven entusiasmar ao público pontevedrés a través do espectáculo Star Trip, que se representa dentro das actividades previstas no Salón do Libro no Pazo da Cultura.
A historia deste espectáculo lévanos ao espazo onde catro astronautas que levan cincuenta anos hibernando nunha nave espacial intentan localizar vida intelixente no universo para eliminala. Utilizando diversas referencias cinematográficas, a montaxe ofrece como é o día a día da tripulación con escenas moi divertidas e espectaculares visualmente.
Durante este luns 23 de marzo, o Pazo acolle un obradoiro de alumnos da Facultade de Ciencias da Educación que realizarán pocións e tinta invisible ás 17.30 e ás 18.30 horas.
E ás 18.00 horas desenvólvese unha sesión de contacontos a cargo de Marta Ortiz de Tropa de Trapo que contará a historia de Lila, a nena que quere ser científica.
Ás 19.00 horas presentouse o libro-disco 'A gramola gominola', un novo proxecto de música infantil que conta coa participación de diferentes artistas como Mini e Mero, Luís Tosar, Ghede Beat ou Alberto Cereijo con ilustracións de Lidia V. Cardeiro.