Este martes 23 e ata o venres 26, o Edificio Castelao do Museo de Pontevedra acollerá o último ciclo de obradoiros de verán que organiza a entidade dependente da Deputación de Pontevedra.
Nesta ocasión, as actividades destínanse a escolares con idades comprendidas entre os 10 e os 12 anos.
A proposta desenvólvese, do mesmo xeito que no anterior obradoiro, partindo da exposición'Ruth Matilda Anderson. Unha viaxe pola indumentaria tradicional de Galicia', que promove a asociación pontevedresa Sete Espadelas.
Nesta iniciativa, o alumnado realizará manualidades para potenciar a súa creatividade e a curiosidade artística.
A inscrición débese realizar a través do corrreo electrónico [email protected]