Lars Fredrick Staffan Morling nacido en Suecia en 1936, é licenciado en Latín e Historia da Arte pola Universidade de Lund. Posteriormente especializouse en Antropoloxía Cultural.
Durante un investigación académica, no ano 1964 visitou as Illas Feroe, consideradas como un reduto da cultura tradicional escandinava, e pouco despois, grazas a unha bolsa de estudos, se instalou na illa de Ons coa intención de coñecer como se desenvolvía a vida nunha illa atlántica parecida ás Feroe pero no ámbito da cultura española.
Así se espertou dentro del unha inquietude polo estudo das embarcacións tradicionais de Galicia. A súa vocación investigadora levouno a percorrer toda a costa Galega, dende Ribadeo a Tui, en busca de embarcacións tradicionais como símbolo dunha cultura mariñeira que forma, sen ningunha dúbida, parte da identidade propia dos galegos.
Morling tamén mostrou o seu interese pola evolución dá Armada Española, na que traballou como profesor na Escola Naval de Marín. Froito tamén desa estanza na Illa de Ons foi o seu matrimonio con Josefa Otero Patiño, a quen coñeceu nun baile de Reis celebrado na illa no ano 1965. Así naceu unha historia de amor entre un sueco e unha galega que chega ata hoxe.
Staffan e Josefa veñen de publicar o libro Alá, non medio do mar. A Comunidade da illa de Ons. Trátase dun estudo antropolóxico cultural da xente da Illa de Ons encargado por Parque Nacional Illas Atlánticas de Galicia.
Trátase dunha obra persoal, etnográfica, histórica e de recompilación de sentimentos da comunidade insular de Ons, que intenta dar ao lector unha idea, o máis completa posible, de como era vivir na illa na década dos 60.
Os autores desta publicación regálannos historias e vivencias de tempos pasados que nos axudan a coñecer mellor a evolución humana desta illa.
O patrimonio inmaterial é un dos principais valores das illas que conforman o Parque Nacional, unha riqueza que se reflicte no libro grazas á historia contada en imaxes da vida cotiá, coas impresións de Staffan e Josefa.
Este libro pretende ser unha homenaxe á xente que viviu na illa, con innumerables fotos que reflicten a dureza da vida desa época. Staffan foi nomeado no ano 2006, fillo adoptivo de Bueu.