O Centro Asociado da UNED en Pontevedra ofrecerá ao público en xeral un concerto de Nadal.
Farao no salón de actos do centro universitario o mércores 18 de decembro a partir das 19.30 horas.
O recital correrá a cargo da soprano e mestra de canto canadense Bonnie Marie Cooper Kowalski, que estará acompañada ao piano polo músico Samuel Serrano.
Esta actuación contará coa participación dos alumnos do Coro Aberto-Open Choir, que mostrarán ao público aprender durante o curso semestral no que se matricularon no centro universitario de educación a distancia pontevedrés.
A propia soprano Bonnie Marie Cooper Kowalski é a encargada de dirixir na UNED este curso.
A entrada a este concerto será totalmente aberta e gratuíta até completar o aforamento do salón de actos.
Será ademais unha forma de vivir o Nadal no centro universitario.
A UNED tamén lembra que aquelas persoas interesadas na música coral poden porse en contacto co departamento de Extensión Universitaria e Actividades Culturais para informarse e mesmo ver a posibilidade de incorporarse como un membro máis do Coro Aberto-Open Choir.