A praza da Ferrería volveu encherse de público que quería gozar dun dos concertos con máis acento local destas festas, o recital de corais de Pontevedra.
Ao escenario subíronse os integrantes da Coral Voces Amigas de Mourente, Coral Helénica, Coral Polifónica de AC do Chopo, Coral Airiños de Campaño, Coral Polifónica de Salcedo, Coral Alame do Fogar do maior e Coral Bela Helenes.
Todas ofreceron o mellor do seu repertorio, que ía desde cancións populares e tradicionais galegas ata fragmentos de zarzuelas. Esta actuación pechou os concertos na praza da Ferrería dentro da semana grande das Festas da Peregrina.