Un ano máis, Los Secretos non se perderán o festival Costa Feira de Sanxenxo. A banda, que forma parte da historia da música española, ofrecerán un concerto o 23 de agosto.
Virá o grupo ao completo, subliñan os organizadores, con Álvaro Urquijo á voz e guitarra xunto a Ramón Arroyo e Txetxu Altube, o baixo de Juanjo Ramos, o piano de Jesús Redondo e a batería de Santi Fernández.
Ofrecerán un concerto cheo de cancións polas que non pasan os anos e que forman parte da banda sonora da vida miles de persoas.
As entradas para esta actuación poranse á venda o vindeiro luns 14 de abril.
Los Secretos é a nova confirmación dunha nova edición de Costa Feira, que segue consolidándose como un dos grandes ciclos de concertos do noso país.
A eles sumaranse este verán outros grandes artistas xa confirmados: Leiva (2 de agosto), Manuel Carrasco (9 de agosto), Gordo (14 de agosto) e Camilo (19 de agosto).
Nas próximas datas seguiranse anunciando máis nomes e datas.