Roi Borrallas e a soidade dos pallasos, protagonistas do inicio dunha nova edición de Domingos do Principal

Un pallaso ten que estar no palco, co seu público. Pero, que acontece cando queda só?

Ese é o punto de partida de Solo, o aclamado espectáculo de artes escénicas co que abriu este domingo unha nova edición do ciclo Domingos do Principal.

Roi Borrallas, pallaso galego afincado en terras catalás, mostrou sobre as táboas do Teatro Principal unha proposta que combinaba monicreques con traballo de clown e manipulación.

En Solo, este clown convida ao público a adentrarse no camerino dun pallaso tras a función, convertendo os espectadores en testemuñas privilexiadas do momento no que persoa e personaxe se confunden a través dun espello.

Iso pasa no camarín do pallaso, onde se desfigura a liña que o separa do seu álter ego, unha especie de limbo que non é o escenario nin a vida real.

Este espectáculo, que estaba recomendado para menores de 8 anos, recibiu numerosos premios desde a súa estrea debido á súa calidade escénica.

Entre eles, foi recoñecido co Premio Fetén 2023 ao mellor intérprete, co Premio Zirkolika 2022 ao mellor espectáculo de pallasos ou co Premio da Crítica ao mellor espectáculo nacional de circo no ano 2024.

A seguinte cita con Domingos do Principal será o domingo 9 de febrero.

Será coa obra Pum, pum. Quen hai?, da compañía galega Ártika, que trasladarán aos espectadores a unha aldea galega onde cada día é un xogo.