Ana Juan, ademais de obter en 2010 o Premio Nacional de Ilustración, conta con dúas medallas de ouro da Society of Newspaper Design en categoría de ilustración; estivo nomeada aos premios da plataforma Goodreads Choice Award e as súas ilustracións foron portada en The New Yorker.
Actualmente de man de Acción Cultural Española expón no Pazo da Cultura 'Ana Juan. Dibujando al otro lado'.
En PontevedraViva Radio charlamos sobre esta exposicion pioneira na que as súas ilustracións teñen, non só outra dimensión, senón múltiples dimensións. Para iso utilizáronse como ferramentas as novas tecnoloxías, así que un smartphone ou unha tablet son acompañantes útiles para percorrer esta mostra.
Charlamos ademais neste Cara a cara coa autora reivindicativa que a través das súas ilustracións remove conciencias, denuncia ou reclama o empoderamento da muller.