A Asociación Cultural Os Trazantes de Tenorio está a celebrar os seus 40 anos de historia, despois de iniciar a súa andaina en 1984.
A agrupación, coñecida polos seus éxitos e recoñecementos no eido do folclore, organizou unha serie de actividades durante todo o 2024 para conmemorar esta data tan sinalada.
Agora, o obxectivo da asociación é localizar a todas as persoas que formaron parte do grupo ao longo destas catro décadas.
Para iso, fan un chamamento a través das redes sociais e outros medios para contactar con antigos integrantes e convidalos a un evento especial de reencontro aínda con data por determinar.
A xornada servirá para lembrar anécdotas e compartir vivencias, un día de celebración para aqueles que contribuíron á historia dos Trazantes.
A directiva pide que quen estea interesado se poña en contacto a través do teléfono 689.608.334.
Tamén poden poñerse en contacto a través das redes sociaisInstagram e Facebook, ou mediante o correo electrónico [email protected].
"A ilusión de volver xuntarnos todos e lembrar tantos bos momentos fai que todo o esforzo pague a pena", afirman desde a directiva.