O conselleiro de Cultura, Lingua e Xuventude, José López Campos, presentou este mércores 9 o catálogo da exposición 'Misterio+Luz=Pintura Vida', dedicada ao pintor pontevedrés Manuel Moldes.
O acto tivo lugar na sede da Fundación Manuel Moldes, no Edificio Azul da Xunta en Benito Corbal, inaugurada en novembro de 2023.
A mostra, que se pode visitar ata o 17 de outubro, fai un percorrido por máis de cinco décadas de creación artística de Moldes. Inclúe obras restauradas e algunhas pezas inéditas.
Ofrece unha visión completa da evolución do artista pontevedrés ao longo da súa ampla carreira.
O catálogo recolle as obras máis representativas dos 50 anos de traxectoria do pintor, desde os seus primeiros debuxos de infancia ata o seu derradeiro cadro.
Tamén inclúe pezas descoñecidas recuperadas pola fundación.
López Campos destacou a importancia da Fundación Manuel Moldes como "un novo foco cultural para os pontevedreses e para a sociedade en xeral".
Subliñou o apoio da Xunta a esta entidade pola súa labor na divulgación da arte galega e a conservación do legado de Moldes.
Manuel Moldes, figura destacada da vida cultural pontevedresa e foi mestre na Facultade de Belas Artes.
A súa obra está presente en importantes institucións como o Centro Galego de Arte Contemporánea, o Museo Municipal Quiñones de León e a Fundación María José Jove, entre outras.
A exposición e o catálogo supoñen un importante paso na recuperación, mantemento e posta en valor do legado artístico do pintor falecido o 3 de decembro de 2017.
- GALERÍA DE FOTOS REALIZADA POR MÓNICA PATXOT :