Había ganas de Salón do Libro. Iso está claro. Só hai que ver a gran afluencia que, cumprimento os aforos impostos pola covid-19, rexistrouse no Recinto Feiral e o Pazo da Cultura na primeira xornada de portas abertas na súa edición número 22.
Desde primeira hora da mañá, as actividades programadas -que por primeira vez se poden seguir de maneira presencial ou telemática- enchéronse de nenos e maiores, desexosos de mergullarse no fascinante mundo da lectura.
Dentro da programación deste ano, que xira ao redor da emerxencia literaria e ao cambio climático, os asistentes gozaron coas numerosas propostas desta primeira xornada.
Contacontos, un taller tecnolóxico sobre videoxogos, un obradoiro de ecomerendas, música ou cinema en familia foron algunhas das actividades que atraeron ao público.
Para este domingo 25 de abril, o gran atractivo será a estrea en sesión dobre de Ás para Álex, o novo espectáculo de Baobab Teatro.
A programación do Salón do Libro Infantil e Xuvenil pódese consultar nesta ligazón.