A sexta edición do festival poético Ponte Poética traerá á cidade "propostas interesantes para os amantes da poesía e o público en xeral".
Así o explicou na presentación do evento a concelleira de Cultura, Anxos Riveiro, asegurando que o festival supón "un paso máis nun mes de abril cargado de literatura na cidade".
Ponte Poética celebrarase os días 15, 16 e 17 de abril en varias localizacións, sendo a central o Teatro Principal de Pontevedra.
Na cidade de Lérez reuniranse algunhas das figuras galegas, nacionais e tamén internacionais da poesía actual, que converten ao festival en "o máis importante de Galicia", segundo defendeu na presentación Antón Sobral, representante do Ateneo de Pontevedra
Dirixido por Yolanda Castaño, Ponte Poética contará, entre outros, coa presenza do galego Gonzalo Hermo, Premio Nacional de Poesía Joven Miguel Hernández, o vasco Juan Ramón Mandariaga, a irlandesa Lorna Shaughnessy ou o portugués Renato Filipe Cardoso.