Poucas veces un espectáculo amosou tanta beleza como o que protagonizou o mimo catalán Pep Bou no Salón do Libro Infantil e Xuvenil de Pontevedra.
O artista, un dos máis recoñecidos do panorama nacional, non quixo perderse esta cita cultural que se celebra no Pazo da Cultura e o Recinto Feiral ata o próximo 28 de marzo.
E para iso, deseñou unha montaxe especial e única para Pontevedra, acorde coa temática que o salón ten este ano ⿿Da ciencia á ficción⿿.
Tratouse de A pel da auga, un desafío artístico que buscaba a beleza que se agocha nas pompas de xabón, compartindo escenario con elementos innovadores, proxeccións e moita luz.
Foi un espectáculo que estaba aconsellado para nenos a partir dos catro anos, pero que atrapou a todo o público pontevedrés nas dúas sesións que se realizaron, na mañá e na tarde deste venres.