Recentemente tivo varias citas co público pontevedrés, que nos últimos meses puido velo no ciclo Imperdibles no Pazo da Cultura de Ponteveda ou no Atlantic Fest da Illa de Arousa, pero non por vir máis a miúdo Xoel López ten menos tirón. O artista coruñés protagonizou este domingo a segunda noite de concertos das festas da Peregrina e, como é habitual nos seus concertos na zona, volveu encher.
Xoel López collía a testemuña de La Casa de los Ingleses e Dorian no escenario da praza de España e, como eles, atraeu un público novo e entregado que o acompañou en todas as súas cancións. No repertorio, non faltaron cancións do seu decimoterceiro disco -segundo en solitario-, Paramales, o último que sacou ao mercado, pero tampouco os temas dos seus inicios, nos que o público se entregou.
Este luns seguen os concertos gratuítos na praza de España, que nos próximos días traerán a seguinte programación:
Luns 15: Quatro de abril e Bertín Osborne
Martes 16: Furious Monkey House e Izal
Mércores 17: Fran Amil e a Tribo Incomprensíbel. Treixadura e Banda de Música de Pontevedra
Xoves 18: Los tres soles del Paraguay e concerto World Dance Music
Venres 19: Daniel Minimalia e Rosa Cedrón