O Pazo da Cultura de Pontevedra acolleu este sábado o espectáculo de zarzuela cabaret de Rodrigo Cuevas, a "punta de lanza do electrocuplé, sex symbol da copla e artista total", como el mesmo defínese.
O asturiano mestura a canción tradicional co cabaret e o cuplé, goza facendo conversar á música electrónica co humor, a sensualidade e a crítica social, convertendo os seus espectáculos nunha experiencia cultural e sensorial con denominación de orixe.
O espectáculo, denominado "Barbián", está dirixido por Fernando Carmena que tende pontes entre a tradición e o underground.
A música de Chapí, Chueca ou Sorozábal con ritmos de xota, chotis ou cuplé, foron metamorfoseados polos compositores Frank Merfort e Richard Veenstra logrando este rechamante resultado dacabalo entre o enxebre e o cosmopolita.
Xunto aos modernos sons electrónicos tamén destacou o vestiario deseñado por Constantino Méndez.
Os aplausos do público pontevedrés revelaron o acerto da proposta de Rodrigo Cuevas entregándose así ao artista.