A organización decidiu encher de cadeiras a Praza de España en previsión de que Paloma San Basilio atraería a un público maduro, moi diferente ao que durante a noite anterior acudira ao concerto de Auryn. A cantante madrileña ofreceu un espectáculo con referencias aos musicais clásicos cun grupo de cantantes e bailarins que acompañaban na interpretación dos temas. A artista ademais dedicou numerosos eloxios á beleza da cidade de Pontevedra. Algo que xa realizara a través de Twitter durante a tarde.
Estoy en Pontevedra (puente de piedra?) !que impresionante !es de los rincones mas bellos que puedes contemplar... http://t.co/4BJsANw6Tu
⿿ Paloma San Basilio (@PalomaSBoficial) August 18, 2013
Paloma San Basilio ofreceu un espectáculo no que repasou os grandes éxitos da súa carreira musical. O concerto inclúese na súa xira Hasta sempre que supón a súa despedida dos escenarios tras case corenta anos nos escenarios e con máis de 30 traballos discográficos publicados que o levaron a lograr varios discos de ouro e platino.
Durante hora e media de recital, os espectadores entregáronse á voz da veterana cantante que, aos seus 62 anos, conta con retirarse ao final desta xira. Tras o concerto, tamén en Twitter se mostrou agradecida co trato recibido polo público.
Gracias Pontevedra,sencillamente una noche mágica
⿿ Paloma San Basilio (@PalomaSBoficial) August 18, 2013
Con este concerto péchanse os actos da semana grande das Festas da Peregrina.