O Mercado de Abastos de Pontevedra tinguirase de violeta o 27 de marzo da man do Teatro Espontáneo, nunha especial sesión en conmemoración do 8M.
A representación, que dará comezo ás 20:00 horas, converterá o primeiro andar do mercado nun espazo de reflexión sobre o machismo a través da improvisación e a creatividade, abordando diversas vivencias e situacións relacionadas coa igualdade de xénero.
A iniciativa, promovida pola concellería de Benestar Social de Pontevedra e desenvolvida pola asociación Inzar, ofrece un espazo de expresión e participación cidadá.
Durante as sesións, actrices, actores e público constrúen conxuntamente un relato colectivo sen guíon previo.
Trátase dunha actividade aberta a toda a cidadanía sen necesidade de inscriciónprevia, desenvolvida como un obradoiro mensual dividido en dúas sesións.
Grazas a esta distribución, o terceiro xoves de cada mes ten lugar un encontro de formación en técnicas de improvisación e escenificación na Casa Azul, en horario de 19:30 a 21:30 horas.
Tras esta sesión de adestramento, a seguinte semana, o cuarto xoves do mes, o gastro-espazo do Mercado de Abastos acolle a representación pública para todas aquelas persoas que queiran asistir.