O Teatro Principal de Pontevedra acolleu a VI Gala de Cantos de Taberna, organizada pola Asociación Cultural Maravallada en colaboración co Concello de Pontevedra.
O evento reuniu a amantes da música popular galega e serviu para homenaxear a aqueles que contribúen á súa difusión, especialmente nas tabernas.
A gala foi conducida polo lalinense Celso F. Sanmartín, coñecido poeta e contador, que co seu estilo único soubo conectar co público.
A música correu a cargo do grupo Os Perucos de Rianxo.
O evento contou coa tradicional entrega da Cunca Maravallada, un galardón que este ano recoñeceu a ‘Xira de Cedeira’, unha das festas máis emblemáticas da vila de Cedeira, vinculada á Romaría de San Antón de Corveiro.
Tamén se recoñecía a José Rodríguez Arribe, coñecido como “Jose de Vigo”, por levar 40 anos liderando a Baixada da Xira, un momento de irmandade, onde a veciñanza canta no camiño de volta desde a Ermida cara a Cedeira.
A Cunca Maravallada, creada coa colaboración do CIFP de Cantería de Galicia, foi deseñada pola alumna Elena Díaz Liljestrom. A Asociación Maravallada asinou un convenio co centro que se atopa na Caeira para os deseños das vindeiras edicións.
Durante a gala, Celso F. Sanmartín compartiu anécdotas sobre a súa relación coa música popular, lembrando como o seu avó animaba festas enteiras en Lalín coa única peza que sabía tocada na gaita, resaltando que "a festa está dentro de nós".
A festa concluía, como non podía ser doutro xeito, cantando polas rúas do centro da cidade.
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada
VI Gala de Cantos de Taberna, de Maravallada