Jane Birkin, actriz e cantante francobritánica, falecía nas últimas horas, aos 76 anos de idade en París. O seu estado de saúde obrigáralle a suspender os seus últimos concertos.
A coñecida intérprete do tema 'Je t'aime...moi non plus' con Serge Gainsbourg ofrecera o sábado 27 de outubro de 2018 un magnífico concerto no Pazo da Cultura de Pontevedra.
Naquela velada, integrada no ciclo Voices, o auditorio encheuse de público para escoitar a interpretación coa súa voz inconfundible dun repertorio de temas centrais da súa discografía.
O concerto formaba parte da súa xira internacional e sobre o escenario estivo acompañada pola Filharmónica Cidade de Pontevedra e polo pianista xaponés Nobuyuki Nakajima.