Este próximo venres 24 novembro, ás 20:30 horas, a galería de arte Tangram organiza unha curiosa iniciativa na que unen música, o viño e a pintura.
Trátase dun concerto acústico con degustación dos viños de "The wine of the champions", da adega italiana de Fabio Cordella.
Despois do éxito do concerto do ano pasado no espazo de arquitectura Nemonon, Gustavo Almeida volve unir en Pontevedra, a súa cidade de residencia, a súa música co viño e este ano, a puntura neste acolledor espazo de arte en Pontevedra.
Gustavo Almeida e Fabio Cordella, coñecéronse a través do fútbol. A Gustavo apaixonoulle a súa historia vital e Fabio namorouse da música de Gustavo. Ao descubrir a historia en común que tiñan, Fabio convidoulle a compoñer o himno de "The wine of the champions".
Italiano de Apulia, sur de Italia, Fabio Cordella vén de familia de viticultores que se dedican a iso desde 1911. Tanto el como Gustavo, deixaron o fútbol profesional de forma prematura por distintas lesións e de aí empezaron a dedicarse ás súas outras paixóns: Gustavo á música e Fabio ao mundo dos viños.
De aí xurdiu a idea de crear "The wine of the champions" (O viño dos campións). Un dream team, con estrelas de renome como Ronaldinho, Sjneider, Roberto Carlos, Amauri, Iaquinta, Amoroso entre outros… Os seus viños fan referencia ás características que tivo cada xogador durante a súa carreira.
As entradas están á venda en www.entradium.com