O Teatro Principal de Pontevedra levantou o pano este domingo 20 de outubro dunha nova edición de 'Domingos do Principal'.
A compañía andaluza LaSal foi a encargada de estrear o ciclo de teatro infantil e familiar co seu espectáculo 'En un rincón del mundo'.
Foi nunha dobre sesión, ás 12.00 e 18.30 horas.
Trátase dunha obra con até seis nomeamentos aos Premios Lorca de Andalucía que narra a historia de tres nenos perdidos nun bosque e que aborda temas de superación e convivencia.
Tras a súa estrea, Domingos do Principal regresará o próximo 27 de outubro con 'Castelao. Daniel no peirao', da compañía Culturactiva.
É un espectáculo sobre a infancia de Alfonso Daniel Rodríguez Castelao con texto de Paula Carballeira e dirección de Fina Calleja recomendado para nenos a partir dos 6 anos de idade.