A Deputación de Pontevedra convoca un concurso de pintura dirixido á mocidade da provincia con idades comprendidas entre os 16 e os 35 anos e que estean empadroados nalgún municipio de Pontevedra.
O certame forma parte do I Encontro literario e artístico'Pontevedra Literaria. Xuventude e Artes', que se celebrará en outubro.
As dez obras seleccionadas serán expostas no Museo de Pontevedra, na antesala acristalada do Edificio Castelao, entre os días 7 e 20 de outubro.
A convocatoria estará aberta desde este venres 9 de agosto ata o 10 de setembro.
As bases completas están dispoñibles no Boletín Oficial da Provincia de Pontevedra (BOPPO).
Todas as obras que se entreguen deberán presentarse enmarcadas, en lenzo, e cun tamaño máximo de 70 centímetros de ancho.
A temática e as técnicas, segundo recollen as bases, son totalmente libres.