Co inicio do novo ano Café Quijano regresa á estrada. Farao cunha ampla xira de concertos por toda España que o 16 de marzo recalará en Pontevedra. A banda actuará no auditorio de Afundación, a partir das 20:30 horas.
O trío leonés, unha banda que soubo adaptarse aos novos tempos sen perder a súa esencia, retoma así a xira do seu último disco, Manhattan, publicado en 2022.
Tras máis de 20 anos na escena musical, na que debutaron co disco La taberna del Buda (2001), estes tres irmáns fusionaron diferentes estilos musicais, desde o rockabilly ata o ska, pasando polo pop e o flamenco.
O seu último disco, Manhattan, combina a forza do latino con sutís guitarras eléctricas, elegantes percusións e uns metais ao máis puro estilo caribeño, todo iso sobre a base de melodías sinxelas pero imprevisibles cantadas de forma suave e harmónica.
As entradas para este concerto xa están á venda a través da plataforma Ataquilla.com.
A última actuación de Café Quijano en Pontevedra foi o que ofreceron no marco das Festas da Peregrina de 2021. Xa estiveran tamén dous anos antes, en 2019, presentando o seu disco La vida no es la la la.