O Salón do Libro Infantil e Xuvenil de Pontevedra vai ofrecendo avances da programación da edición deste ano. A Biblioteca Pública Antonio Odriozola acolle a exposición de ilustracións orixinais de Mafalda Milhöes para o álbum ilustrado 'Maruxa' de OQO Editora de Pontevedra.
Á inauguración asistiron a concelleira de Cultura, Anxos Riveiro; a directora da Biblioteca, Piar Fernández e a representante de OQO, Eva Mejuto.
A Biblioteca Pública reincorpórase, desta forma, oficialmente como colaboradora á programación do Salón do Libro que comeza este venres 27 coa temática 'Da ciencia á ficción'.
A exposición poderase visitar ata o 28 de marzo no vestíbulo do edificio situado na rúa Alfonso XIII.