O mago Jorge Blass ofrecerá a súa nova montaxe este domingo 3 de decembro, ás 18.00 horas, ao auditorio da sede de Afundación de Pontevedra. O coñecido ilusionista español que se converteu nun personaxe moi popular tras vender un truco a David Copperfield para o seu show en Las Vegas ofrecerá o seu novo espectáculo titulado 'La magia de Jorge Blass'.
Este ilusionista, habitual en programas televisivos, recibiu galardóns internacionais como a Varita Máxica de Ouro, entregada polo príncipe Rainiero de Mónaco, e o Premio Siegfried and Roy en Las Vegas, en Estados Unidos.
Durante os últimos anos presentou a súa maxia en lugares como o Kodak Theater de Los Ángeles ou na Exposición Universal de Shangai.
As entradas para este espectáculo pódense adquirir en venda anticipada en Ataquilla.