A viguesa Lara A. Serodio arrinca o ano coa publicación de 'La piel infiel'. Profesionalmente vinculada ao sector audiovisual, dixital e publicitario, tamén escribe e publica novelas desde 2015. Trasladouse a Cataluña para cursar estudos superiores e alí continúa, aínda que afirma con rotundidade que segue sentíndose "máis galega que a centola". Esta novela, hai que advertir con vehemencia, non é só unha novela erótica, vai moito máis alá do erotismo e do sexo explícito "e realista", como puntualiza Lara na charla que mantemos.
Protagonízaa Emma, unha muller na metade da trintena en crise. Nesa tesitura aparece un home sedutor, exitoso e casado. A atracción para a ser un affaire que toma proporcións e consecuencias imprevistas pola protagonista. Hai erotismo, hai sexo e tamén hai amor porque "é unha historia de amor propio por encima de todo e de saúde mental", afirma rotunda Lara.
Foto: Cristina Reche