Alberto e Diego son Thee Blind Crows, cumpren quince anos de traxectoria musical. Inicialmente eran Noisy Room pero cambiaron o nome a Thee Blind Crows cando deron o paso para compoñer temas propios. A música que fan: "o punk é a actitude e o blues é a guía". Veñen de publicar un álbum de décimoquinto aniversario. Para este elepé especial tiveron ademais a colaboración dos dous baixistas - Samu e Santi - que tamén formaron parte de Thee Blind Crows e de Eva Outeiro para o tema 'Corvo cego'. Tras un primeiro evento en Vilagarcía, inician os concertos de xira este próximo 3 de novembro na Salasón de Cangas, logo teñen pechados directos na Coruña, Santander, Cambados, Madrid... e ata aí deixan descuberto, aínda que o inverno e a primavera prometen.
Foto: Mónica Patxot