Cara a cara #213: Sara Abilleira

A pontevedresa Sara Abilleira estreou este novembro o seu primeiro musical. Escribiu 'Resistiré' antes de que se instalase a pandemia e por tanto, antes de que a canción do Dúo Dinámico pasase a ser un himno e tamén un tedioso recordo do confinamento domiciliario. O Espazo Raro, no recinto Ifema madrileño, é o emprazamento no que están a ofrecer estas funcións. Por agora o musical non contempla facer xira, pero ela ten a ilusión de poder ofrecer este musical na súa cidade, Pontevedra. Un musical que como tal resulta "unha festa constante" cunha revisión aos 80 e 90.