O Ateneo de Pontevedra organiza un relatorio arredor do ensaio "Galicia, distrito industrial. Conversas con Daniel Hermosilla", do profesor de filosofía e ensaísta Antón Baamonde, editado pola Editorial Galaxia. 

O autor estará acompañado por Daniel Hermosilla, Teresa Táboas e Eusebio Rey. A entrada é libre ata completar capacidade.

En Europa estamos asistindo ao retorno da política industrial. É unha ventá de oportunidades e cabe tomar decisións estratéxicas. Galicia posúe un sector industrial interesante. Hai un abano extenso de empresas cun alto valor tecnolóxico e internacionalizadas.

Nestas conversas, Daniel Hermosilla, director executivo de Rodiñas, insiste, contra a imaxe estereotipada, en que "aquí hai unha biodiversidade de industrias moi interesante. Capitalizadas, con maquinaria de última tecnoloxía, e que saben contratar persoas de talento. Empresas que souberon cambiar a mentalidade e entender que o mercado é o mundo enteiro. Se isto o sabemos aproveitar e artellar, pode ser un dos grandes activos de Galicia".

Máis eventos

Ver máis eventos