Presentación da Asociación Cultural Terra Calda

O Auditorio Municipal de Caldas será o escenario da presentación da Asociación Cultural Terra Calda.

O colectivo veciñal que impulsa esta iniciativa leva un ano traballando en tarefas relacionadas co patrimonio cultural e natural. 

Fomentar o coñecemento da historia de Caldas e a súa comarca, promover un espazo de debate sobre temas culturais e patrimoniais, divulgar e defender a riqueza da paisaxe e a biodiversidade, impulsar a creación dun centro de interpretación do patrimonio (documental, material e inmaterial) e impulsar a creación dun centro museístico son algúns dos obxectivos.

Na relación de proxectos para levar adiante este ano figuran actividades conmemorativas do 125 aniversario da Fábrica da Luz, unha exposición de Aquis Celenis, a recollida da toponimia e do patrimonio material e inmaterial, un acto no 85 aniversario do descubrimento do Tesouro e unha mostra sobre o boxeo.

Auditorio Municipal de Caldas